[歡迎投稿!!]今個weekend我地邀請咗sweet sweet情侶Kel+Monica同大家分享佢地嘅心水拍拖地方!! *v* 原來佢地兩個都鍾意親親大自然 所以首選就係又浪漫又舒服嘅塔門啦 :P
如果大家去過塔門 應該都知海膽炒飯係最出名 不過Kel就話其實海膽三文治仲好食 因為好新鮮+足料!!! 而塔門另一大賣點當然係片又大又靚嘅草地^o^ 遊人可以隨意野餐 露營 放風箏 好彩嘅仲會有牛牛過黎錫啖你(呢個時候男仔就可以展示自己嘅英姿 幫女友趕牛XD)唔怕大風嘅朋友可以行埋去石灘 疊石o個邊 欣賞「無得輸」嘅風景 當然都要記得同另一半留低倩影啦~*3*
價錢： ♥ ♥ ♥ （交通費最貴XD)
交通方便度：♥ ♥ (假日： 鑽石山巴士總站乘搭96R到黃石碼頭，然後乘渡輪/大飛往塔門/平日：鑽石山巴士總站乘搭92號或沙田乘搭299 到西貢轉乘94號到黃石碼頭， 然後乘渡輪往塔門)
上鏡度：♥ ♥ ♥ ♥
浪漫度： ♥ ♥ ♥ ♥
P.S. 如果大家都有拍拖/情侶野想分享 100%歡迎大家INBOX我地架!!*v*
Search